Жорий йилнинг 28 февраль куни Олий ва ўрта махсус таълим вазири ўринбосари У.Бегимкулов Прага Метрополитан университети проректори Ярослав Галик билан учрашув ўтказди.

Учрашувда томонлар Ўзбекистон ва Чехия давлатлари ўртасидаги олий таълим соҳасидаги ҳамкорликни янада ривожлантириш бўйича ўзаро фикр алмашдилар. 

Шунингдек, Прага университети томонидан ўзбекистонлик ёшларга магистратура ва докторантурага грантлар ажратиш бўйича ҳам келишув имзоланди.

Мазкур келишувга биноан, ажратиладиган грантлар учун номзодлар Ўзбекистондаги олий таълим муассасаларида ўтказиладиган танлов асосида сараланиши белгиланди.

Манба: Ўзбекистон Республикаси Олий таълим, фан ва инновациялар вазирлиги