Халқ таълими вазирлиги ва БМТнинг Аҳолишунослик жамғармаси (UNFPA) икки томонлама ҳамкорликни кенгайтириш ниятида.

Халқ таълими вазири Шерзод Шерматов UNFPAнинг Ўзбекистондаги ваколатхонаси раҳбари Ю Ю билан учрашув ўтказди.

Учрашув давомида томонлар UNFPA тажрибаси ёрдамида қўшма лойиҳаларни амалга ошириш орқали ҳамкорликни ривожлантириш масалаларини муҳокама этди.

Таъкидлаш жоизки,  томонлар​ ҳамкорлигида “Ўзбекистон ёшлари – соғлом турмуш тарзи тарафдорлари (Ёш тенгдошлар)” пилот лойиҳаси амалга оширилди. Лойиҳанинг мақсади тенгдош-тенгдошга тамойили асосида ўсмир қизларнинг соғлом турмуш тарзини тарғиб қилишдир.

Томонлар демографияга оид маълумотлар асосида таълим тизимини ривожлантиришни режалаш ва ёшлар ўртасида соғлом турмуш тарзини тарғиб қилишга қаратилган ҳамкорликни янада кенгайтириш лозимлиги ҳақида фикр билдирди.

Шерзод Шерматов ҳамкорликда катта қўшма лойиҳаларни амалга ошириш вақти келганини таъкидлади.

Учрашув давомида томонлар икки ташкилот ўртасида ҳамкорликнинг истиқболли йўналишларини ҳам муҳокама этди.

Манба: Ўзбекистон Республикаси Мактабгача ва мактаб таълими вазирлиги