Миллий ҳунармандчилик маҳсулотлари Ҳиндистонда ҳам эътироф этилди

O'zbekcha Ўзбекча Қарақалпақша Русский English

Ўзбекистон Республикаси
Ҳукумат портали

Умумий бўлим:	+998 (71) 239-8676
Девонхона:	+998 (71) 239-8260, +998 (71) 239-8486
Фуқаролар қабули, хат ва аризаларни кўриб чиқиш бўлими:	+998 (71) 239-8114
Факс:	+998 (71) 239-8463

Соҳа бўйича янгиликлар

Архив

‹	2024	›

Давлат ҳокимияти

Календарь

Воқеалар

	Президентга мурожаат
	Тадбиркор виртуал офиси
	Норматив-ҳуқуқий ҳужжатлар таъсирини баҳолаш тизими
	Давлат органлари ишонч телефонлари
	Ҳукумат болалар нигоҳида

Порталда янгилик

Сен –қудрат манбаи, саодат маскани, жонажон Ўзбекистоним! Батафсил>>>
Оммавий савдолар орқали сотилиши белгиланган давлат мулки объектлари Батафсил>>>
"Давлат органлари ижтимоий тармоқларда" саҳифаси Батафсил>>>
Жонажон Ўзбекистоним, мангу бўл омон! Батафсил>>>
«Очиқ бюджет» саҳифаси Батафсил>>>

Миллий ҳунармандчилик маҳсулотлари Ҳиндистонда ҳам эътироф этилди

2020-02-21 | Маданият

"Ҳунарманд" уюшмасида 1-16 февраль кунлари Ҳиндистоннинг Xаряна штатида ўтказилган “Surajkund Mela” 34-халқаро ҳунармандчилик фестивалида иштирок этиб қайтган ҳунармандлар билан учрашув бўлди.

Фестивалда 60 мамлакатдан меҳмонлар иштирок этган. Бу йил Ўзбекистон нуфузли тадбирда иштирок этиш учун шерик давлат сифатида танлаб олинган. Ўзбекистонлик ҳунармандлар миллий санъатимиздаги ютуқлар, фольклор ва туристик жозибадорликни кенг намойиш этди.

Миллий каштачилик, ипак, адрас, бахмал матолари, улардан тикилган либос ва аксессуарлар, кулолчилик, гиламдўзлик, ёғоч ўймакорлиги намуналари, миллий матолар, миниатюра санъати каби ижодий ишлар хорижликларда катта таассурот қолдирди.

Фестиваль очилишида Ҳиндистон Республикаси Президенти Рам Натҳ Ковинд иштирок этди. Президент ўзбек ҳунармандларининг маҳсулотлари билан танишди.

– Фестивалда ҳиндистонлик ҳунармандлар билан тажриба алмашдик, – деди фарғоналик ҳунарманд Юсуфжон Мамаюсупов. – Айниқса, қўлда газлама тўқиш дастгоҳига, ёғоч ўймакорлиги асосида тайёрланган турли лаганлар ва лавҳга, каштачилик буюмларига кўпчилик қизиқди. Иштирокчилар “Қўлда шундай ажойиб буюмлар тайёрлаш мумкинми, буни қандай ўрганса бўлади?” деган саволларни берди. Маҳорат дарслари ўтдик. Келишувларга эришдик. Миллий матоларимизга ҳиндистонликлар, бошқа хорижлик иштирокчилар катта қизиқиш билдирди.

Навоийлик каштадўз Феруза Омонова ва фарғоналик ҳунарманд Юсуфжон Мамаюсупов фестиваль кубогини қўлга киритди.

Шаҳноза МАМАТУРОПОВА, Темур МАМАДАМИНОВ (сурат), ЎзА

Манба: ЎзА

‹						›
Дш	Сш	Чш	Пш	Жм	Шн	Як