Агентликда Европа хавфсизлик ва ҳамкорлик ташкилоти Демократик институтлар ва инсон ҳуқуқлари бўйича бюросининг Инсон ҳуқуқлари масалалари бўйича маслаҳатчиси Марин Констант хоним бошчилигидаги делегация билан учрашув бўлиб ўтди.  

Мулоқот давомида ахборот соҳасини ислоҳ қилишда юзага келиши мумкин бўлган эҳтимолий муаммолар ва уларни ҳал қилиш йўллари, аҳолининг интернет тармоғидан тўсиқларсиз, тўла-тўкис ва эркин фойдалана олишини таъминлаш, сохта янгиликларга қарши курашиш, медиа маконда инсон ҳуқуқларини қарор топтириш имкониятлари, онлайн таҳдидлар ва виртуал фирибгарликнинг олдини олиш масалалари муҳокама қилинди.

Шунингдек, Агентлик томонидан фуқароларнинг сўз ва ахборот эркинлигига доир конституциявий ҳуқуқларини таъминлаш, мамлакатнинг ижтимоий-сиёсий ҳаётида оммавий ахборот воситалари ролини кучайтириш борасида бир йил мобайнида амалга оширилган ишлар юзасидан ўзаро фикр алмашилди.

Учрашувда хорижий меҳмонларни қизиқтирган соҳага доир бошқа бир қатор саволларга жавоб қайтарилди.  

Манба: Ахборот ва оммавий коммуникациялар агентлиги