2020 йил 5 февраль куни Ўзбекистон Республикаси Олий Мажлиси Сенати Раиси биринчи ўринбосари Содиқ Сафоевнинг Сингапур Республикаси савдо ва саноат давлат катта вазири Ко По Кун бошчилигидаги делегация билан учрашуви бўлиб ўтди.

Учрашувда икки томонлама муносабатларни янада ривожлантириш масалалари, савдо-иқтисодий ва маданий-гуманитар ҳамкорликнинг истиқболли йўналишлари муҳокама этилди.

Ко По Кун Ўзбекистонда социал-иқтисодий ва ижтимоий-сиёсий соҳаларда Президент Ш.М.Мирзиёев раҳбарлигида амалга оширилаётган ислоҳотларга юқори баҳо берди. Мамлакат ютуқлари Сингапур ва Ўзбекистон ўртасида ўзаро фойдали икки томонлама ҳамкорликни ривожлантириш учун қўшимча имкониятлар яратади.

Томонлар савдо, туризм, тиббиёт, таълим ва бошқарув кадрлари малакасини ошириш соҳасида қўшма лойиҳаларни амалга ошириш эҳтиёжи борлигини қайд этди.

Парламентлараро ҳамкорликни мустаҳкамлашдан, парламент делегацияларининг ўзаро ташрифларини фаоллаштиришдан икки томоннинг манфаатдорлиги билдирилди.

Манба: Ўзбекистон Республикаси Олий Мажлиси Сенати