Жорий йилнинг 22-23 январь кунлари Россия Федерациясининг Нижний Новгород шаҳрида “ROBOFEST-2020“ (WORLD WIDE ROBOTICS) халқаро робототехника, IT ва DIV олимпиадаси ўтказилди. Мазкур фестивалда дунёнинг 70 дан зиёд мамлакатлари жамоалари иштирок этди.

Қувонарлиси, нуфузли фестивалда Ўзбекистоннинг IT park “Uz_robo_Up” жамоаси 70 дан ортиқ давлатлар орасида 3-ўринга сазовор бўлди. Жамоа таркибида мураббий Озодбек Ходжаев, гуруҳ сардори Суҳроб Ҳайдаров, конструктор Рашид Рашидов, дизайнер Бектемир Мирўктамов юртимиз шарафини муносиб ҳимоя қилишди.

- Фестивалда иштирок этиб, юртимиз довруғини дунё миқёсига олиб чиқиш – асосий мақсадларимиздан бири эди, — дейди гуруҳ сардори Суҳроб Ҳайдаров. – Кўплаб давлатлардан келган тенгдошларимиз билан танишдик, улар билан тажриба алмашдик. Мисол учун, Россия ва Ўзбекистон терма жамоаси биргаликда android studio асосида янги инновацион лойиҳа яратишни режалаштирдик. Келгусида ушбу тажрибалар ва янги ғояларни юртимизни янада тараққий этиши учун амалда қўллаймиз.

Манба: Ўзбекистон Республикаси Мактабгача ва мактаб таълими вазирлиги