Ўзбекистон Республикаси Қуролли Кучлар академиясида “Ватанпарварлик ойлиги” муносабати билан “Очиқ эшиклар куни” ўтказилди. Олий ҳарбий таълим муассасаси бўйлаб уюштирилган экскурсия пойтахтдаги бир қатор умумтаълим мактабларининг ўқувчи ёшларини қамраб олди.

Экскурсия давомида ўқувчиларга академия тарихи, курсантлар учун яратилган шароитлар ва халқаро ҳамкорлик борасида маълумотлар берилди. Хориж тажрибасидан фойдаланиш курсантларнинг таълими учун муҳим аҳамият касб этиши таъкидланди. Қуролли Кучлар академиясида уч тилда таълим берилади: ўзбек, рус ва корейс.

Академия ҳарбий оркестри томонидан ижро этилган куй-қўшиқлар тадбирга янада қизғин тус бахш этди.

Қурол-яроғ кўргазмаси ва курсантлар томонидан намойиш этилган қўл жанги элементлари меҳмонларга ажойиб таассурот қолдирди.

Манба: Ўзбекистон Республикаси Мудофаа вазирлиги