2019 йил 23 декабрь куни Ўзбекистон Республикаси Олий Мажлиси Сенатининг Халқаро муносабатлар, ташқи иқтисодий алоқалар, хорижий инвестициялар ва туризм масалалари қўмитаси раиси Алишер Курманов Миср Араб Республикасининг Вакиллар мажлисининг Ижтимоий бирдамлик, оила ва ногиронлар қўмитаси раиси Абдулхади Аҳмад Абдулхади Аль-Касаби билан учрашди.

Учрашув чоғида жорий йил 22 декабрда Ўзбекистонда бўлиб ўтган сайлов хусусида фикр алмашилди, шунингдек икки томонлама парламентлараро ҳамкорлик масалалари муҳокама қилинди.

Абдулхади Аҳмад Абдулхади Аль-Касаби янги Сайлов кодексига биноан ўтказилган сайловда овоз бериш жараёнида фуқароларнинг юқори фаоллигини ҳамда фуқаролар онгли равишда ўз танлови асосида мамлакат келажаги учун овоз берганини қайд этди.

Манба: Ўзбекистон Республикаси Олий Мажлиси Сенати