Жорий йилнинг 17 декабрь куни Давлат статистика қўмитасида 2019 йил 10-13 декабрь кунлари Сербиянинг Белград шаҳрида бўлиб ўтган семинар бўйича тақдимот ташкил этилди.

Семинарда Ижтимоий соҳа ва барқарор ривожланиш статистикаси бошқармаси мутахассиси Азиз Ғафуров хизмат сафари натижалари бўйича тақдимот қилди.

Тадбир давомида "Мамлакатларда расмий статистика учун миллий сифатни таъминлаш тизимини жорий қилиш доирасида Ўзбекистон Республикасида Барқарор ривожланиш мақсадлари кўрсаткичларининг сифатини яхшилаш" мавзусида фикр-мулоҳаза алмашилди. Барқарор ривожланиш мақсадлари кўрсаткичларининг сифатини яхшилаш ва ҳар бир мақсад, вазифа ва  кўрсаткичлар бўйича маълумотларни янада такомиллаштириш масалалари муҳокама қилинди.

Семинар якунида Сербияда статистика соҳаси бўйича амалга оширилаётган ишлар юзасидан маълумот берилди. Иштирокчиларни қизиқтирган саволларга атрофлича жавоб берилди.

Манба: Ўзбекистон Республикаси Президенти ҳузуридаги Статистика агентлиги