Кўриниш
A
A
A
Шрифт ўлчами
?
Экран сухандони
Ишлаб чиқилган: 
Ўзбекистон Республикаси
Ҳукумат портали
Ўзбекистон Миллий кутубхонасида ШҲТ билимлар зали очилди
2019-11-27 | Маданият
Алишер Навоий номидаги Ўзбекистон Миллий кутубхонасида 26 ноябрь куни Шанхай ҳамкорлик ташкилоти билимлар зали очилди.
Шу муносабат билан ўтказилган тадбирда ШҲТ Халқ дипломатияси маркази, ШҲТнинг яхши қўшничилик, дўстлик ва ҳамкорлик бўйича Хитой қўмитаси, ЕХҲТ лойиҳалари мувофиқлаштирувчисининг Ўзбекистондаги офиси вакиллари, журналистлар, кенг жамоатчилик иштирок этди.
ШҲТ Халқ дипломатияси маркази Президент Шавкат Мирзиёев ташаббуси билан ташкил этилган бўлиб, Ўзбекистоннинг ШҲТга аъзо давлатлар билан алоқаларини янада мустаҳкамлашда халқ дипломатияси механизмларидан фойдаланишни кўзда тутади. Марказ фаолиятининг “Йўл харитаси“га мувофиқ, Миллий кутубхона билан биргаликда ташкил этилган ШҲТ билимлар зали кенг жамоатчилик, мутахассислар, ўқувчиларга мўлжалланган.
Очилиш маросимида халқ дипломатияси фуқаролик жамияти ва хорижий давлатлар билан ўзаро ҳамкорликни кенгайтиришда муҳим механизмлардан бири экани қайд этилди.
ШҲТ билимлар залига ўзбек, хитой, рус ва бошқа тиллардаги турли мавзуларга оид уч юздан зиёд адабиёт қўйилган.
Тадбир доирасида Алишер Навоий номидаги Миллий кутубхона билан ШҲТ Халқ дипломатияси маркази ўртасида ҳамкорлик тўғрисида меморандум имзоланди.
С.РАҲИМОВ, ЎзА
Манба: ЎзА
