15 ноябрь куни “Ипак йўлида туризм” XXV Тошкент халқаро туристик кўргазмаси (ТХТК 2019) ўз ишини тугаллади. Тадбир якунига кўра, энг фаол ҳудудлар ва ташкилотлар тақдирланди. 

Ташкилотлар кесимида:

• Энг кенг қамровли стенд – Korea Tourism Organization;
• Халқаро павильоннинг энг яхши стенди – Индонезия Республикаси Туризм вазирлиги;
• Кўп йиллик ва самарали ҳамкорлик – Tourism Authority of Thailand;
• Тиббиёт туризми ривожига қўшган ҳиссаси учун – Соғлиқни сақлаш вазирлиги;
• Таълим туризми ривожига қўшган ҳиссаси учун – Олий ва ўрта таълим вазирлиги;
• Туризм инфратузилмаси санитар-гигеник ҳолатини ривожлантириш ва яхшилаш бўйича қўшган ҳиссаси учун – “Ria Building Construction Group” МЧЖ;
• Вино туризми ривожига қўшган ҳиссаси учун – “Ўзшаробсаноат” АЖ;
• ТХТК 2019 дебютанти – “Hilton Tashkent City” меҳмонхонаси;
• Сайёҳларни суғурта қилувчи энг яхши компания – “O’zbekinvest Hayot”;
• Соғломлаштириш туризми ривожига қўшган ҳиссаси учун – Ўзбекистон Касаба уюшмалари федерацияси.

Ҳудудлар кесимида:

• Ички туризм ривожига қўшган ҳиссаси учун – Самарқанд вилояти;
• Энг самарали иштирок учун – Бухоро вилояти; ТХТК 2019 нинг энг кўп одам ташриф буюрган стенди – Тошкент вилояти;
• Туризм инфратузилмаси ривожига қўшган ҳиссаси учун – Тошкент шаҳри;
• Энг инновацион стенд – Қорақалпоғистон Республикаси;
• Энг яхши ҳунармандлар тақдимоти – Андижон вилояти;
• Энг ёрқин стенд – Наманган вилояти;
• Энг “мазали” ҳудуд – Фарғона водийси;
• Энг яхши сувенир маҳсулоти – Сирдарё вилояти;
• Энг яхши эко-стенд – Жиззах вилояти;
• Энг яхши флэш-моб – Қашқадарё вилояти;
• Миллий услубдаги энг яхши стенд – Сурхондарё вилояти;
• Энг яхши фольклор намойиши – Хоразм вилояти;
• Энг фаол иштирок учун – Навоий вилояти.

Мукофотлар Туризмни ривожлантириш давлат қўмитаси раиси в.в.б. Абдулазиз Аққулов, раиснинг биринчи ўринбосари Улуғбек Касимходжаев ҳамда раис ўринбосарлари Фахриддин Давруков ҳамда Улуғбек Аъзамов томонидан топширилди.

Манба: Ўзбекистон Республикаси Туризм ва маданий мерос вазирлиги