25-Тошкент халқаро туристик ярмаркаси (TITF) доирасида Ўзбекистон Республикаси Туризмни ривожлантириш давлат қўмитаси ҳузуридаги Туризмни ривожлантириш институти (илгарги Давлат Таълим ва консалтинг туризм маркази) туризм ва маркетинг мутахассислари учун “Туризм маркетингидаги замонавий тенденциялар” мавзусида семинар ўтказмоқда.

Семинарда Исроилдан ташриф буюрган халқаро эксперт, доктор Эран Кеттер (катта ўқитувчи ва туризм бўйича маслаҳатчи, Исроил Туризм вазирлигининг маркетинг бўйича собиқ маслаҳатчиси, туризм маркетинги бўйича китоблар муаллифи) иштирок этади. Машғулотлар инглиз тилида олиб борилади. Тадбир Ўзбекистон Республикаси Туризмни ривожлантириш давлат қўмитаси ва Исроил давлатининг Ўзбекистон Республикасидаги элчихонаси томонидан қўллаб-қувватланмоқда. Тадбир давомида қуйидаги мавзулар кўриб чиқилади:

1) Туризм соҳасидаги 2020 йилдаги тенденциялар: беқарор дунёда етакчилик;

2) Ижтимоий медиа маркетинг: энг яхши контентингизни яратинг.

Ўтказилиш жойи: “Ўзэкспомарказ”нинг ITC конфренс зали.

Санаси ва вақти: 2019 йил 13 ноябрь, 16.00 – 17.30.

Тадбирда иштирок этиш чекланмаган, барча қизиқувчиларни “Туризм маркетингидаги замонавий тенденциялар” мавзусидаги семинарига таклиф этамиз! Семинарда қатнашмоқчи бўлганлар 11 ноябрга қадар @Wоrkshop2019_bot манзилига маълумот юборишлари сўралади. Қўшимча маълумот учун Мадина Жабборова (+998 97 333 57 22) билан боғланишлари мумкин.

Манба: Ўзбекистон Республикаси Туризм ва маданий мерос вазирлиги