2019 йилнинг 28-31 октябрь кунлари Швейцариянинг Женева шаҳрида бўлиб ўтган миграция статистикаси бўйича семинар ва ишчи сессияда Давлат статистика қўмитаси Демографик кўрсаткичларни шакллантириш бўлими бошлиғи Шерзод Дуснаев иштирок этди.

Ушбу семинар ва ишчи сессияда Арманистон, Озарбайжон, Беларусь, Бельгия, Бангладеш, Бутан, Канада, Колумбия, Эстония, Грузия, Греция, Венгрия, Ирландия, Исроил, Испания, Қозоғистон, Қирғизистон, Латвия, Литва, Мексика, Македония, Нидерландия, Норвегия, Польша, Португалия, Молдова, Россия, Сербия, Словения, Швеция, Швейцария, Тожикистон, Туркия, Украина, Америка Қўшма Штатлари ва Ўзбекистон давлатларидан статистика органлари мутахассислари, Евростат, Халқаро Меҳнат Ташкилоти (ХМТ), МДҲ статистика қўмитаси (CIS-STAT) экспертлари иштирок этди.

Семинар ва ишчи сессиянинг асосий мақсади - миграция статистикаси соҳасидаги сўнгги янгиликлар, миграция маълумотларини йиғиш бўйича янги усуллар ҳамда хорижий давлатларнинг миграция статистикаси кузатув натижалари билан иштирокчиларни таништиришдан иборат.

Семинар ва ишчи сессия давомида Евростат, МДҲ статистика қўмитаси ва бир қатор экспертлар тақимот қилди, шунингдек, миграция статистикаси бўйича тушунтиришлар, тавсиялар берилди ва тажрибалар ўрганилди.

Манба: Ўзбекистон Республикаси Президенти ҳузуридаги Статистика агентлиги