4 ноябрь куни Мудофаа вазирлигининг «Чирчиқ» полигонида Ўзбекистон ва Ҳиндистон умумқўшин бўлинмаларининг ҳамкорликдаги «Дўстлик – 2019» тактик ўқув машғулотлари бошланди.

Бу машғулотлар икки мамлакат ўртасидаги ҳарбий ҳамкорлик алоқаларининг янада мустаҳкамланишига хизмат қилиб, ҳарбий хизматчилар учун тажриба алмашиш имкониятини бериши билан аҳамиятлидир.

«Чирчиқ» полигонида меҳмонлар ўзбекона урф-одатлар хос равишда тантанали тарзда кутиб олинди. Шундан сўнг меҳмонлар дала-ўқув майдони инфратузилмаси, бу ерда бўлинмалар учун яратилган шароитлар, шахсий таркиб учун ташкил этилган қулайликлар билан яқиндан танишдилар.

Эслатиб ўтамиз, «Дўстлик – 2019» ҳамкорликдаги тактик ўқувлар жорий йилнинг 13 ноябрига қадар давом этади.

Манба: Ўзбекистон Республикаси Мудофаа вазирлиги