4-noyabr kuni Mudofaa vazirligining «Chirchiq» poligonida O‘zbekiston va Hindiston umumqo‘shin bo‘linmalarining hamkorlikdagi «Do‘stlik – 2019» taktik o‘quv mashg‘ulotlari boshlandi.

Bu mashg‘ulotlar ikki mamlakat o‘rtasidagi harbiy hamkorlik aloqalarining yanada mustahkamlanishiga xizmat qilib, harbiy xizmatchilar uchun tajriba almashish imkoniyatini berishi bilan ahamiyatlidir.

«Chirchiq» poligonida mehmonlar o‘zbekona urf-odatlar xos ravishda tantanali tarzda kutib olindi. Shundan so‘ng mehmonlar dala-o‘quv maydoni infratuzilmasi, bu yerda bo‘linmalar uchun yaratilgan sharoitlar, shaxsiy tarkib uchun tashkil etilgan qulayliklar bilan yaqindan tanishdilar.

Eslatib o‘tamiz, «Do‘stlik – 2019» hamkorlikdagi taktik o‘quvlar joriy yilning 13-noyabriga qadar davom etadi.