Кўриниш
A
A
A
Шрифт ўлчами
?
Экран сухандони
Ишлаб чиқилган: 
Ўзбекистон Республикаси
Ҳукумат портали
Бокуда МДҲга аъзо давлатлар мудофаа вазирлари кенгашининг йиғилиши бўлиб ўтди
2019-10-30 | МДҲ
30 октябрь куни Боку шаҳрида Мустақил Давлатлар Ҳамдўстлигига аъзо мамлакатлар мудофаа вазирларни кенгашининг 77-саммити бўлиб ўтди.
Саммитда Россия мудофаа вазири армия генерали Сергей Шойгу, Озарбайжон мудофаа вазири генерал-полковник Закир Гасанов, Ўзбекистон мудофаа вазири генерал-майор Баҳодир Қурбонов, Беларусь Республикаси мудофаа вазири генерал-лейтенант Андрей Равков, Қозоғистон мудофаа вазири генерал-майор Нурлан Ермекбаев, Тожикистон мудофаа вазири генерал-полковник Шерали Мирзо, Қирғизистон Қуролли Кучлари Бош штаби бошлиғи генерал-майор Райимберди Дуйшенбиев, МДҲ Ижроия қўмитаси раиси– Ижрочи котиби Сергей Лебедев иштирок этди.
Асосий йиғилиш олдидан мудофаа вазирлари Боку шаҳридаги “Шаҳидлар майдони”да бўлиб, “Мангу олов” монументи пойига гулчамбар қўйди ва мамлакат ҳудудий яхлитлиги йўлида жон фидо қилган озар ҳарбий хизматчиларига ҳурмат бажо келтирди.
МДҲга аъзо давлатлар мудофаа вазирларининг кенгашида Озарбайжон президенти Илҳом Алиев ҳам иштирок этди.
Саммит кун тартибидан МДҲга аъзо давлатларнинг 2025 йилгача ҳарбий соҳадаги ҳамкорлиги концепцияси, радиация, кимёвий ва биологик соҳаларда қўшма мониторинг ва вазиятни баҳолашга оид масалалар муҳокама қилинди.
Шунингдек, вазирлар “Халқаро армия ўйинлари – 2019” натижаларини сарҳисоб қилиб, МДҲ ҳарбий кучлари учун офицер кадрлар тайёрлаш ҳамда “Илмнинг бошланиши” халқаро илмий ғоялар фестивалини ўтказишни муҳокама қилдилар. Иккинчи жаҳон урушида эришилган ғалабанинг 75 йиллигини нишонлашга бағишланган алоҳида суҳбат бўлиб ўтди.
Манба: ЎзА
