Кўриниш
A
A
A
Шрифт ўлчами
?
Экран сухандони
Ишлаб чиқилган: 
Ўзбекистон Республикаси
Ҳукумат портали
Инновацион ғоялар ҳафталиги
2019-10-30 | Инновация
Пойтахтимиздаги “Ўзэкспомарказ” миллий кўргазмалар залида “INNOWEEK – 2019” инновацион ғоялар ҳафталиги бошланди.
Ўтган йили юртимизда ўтказилган Инновацион ғоялар ҳафталигида 20 давлатдан 5000 га яқин вакил иштирок этганди. Бу йилги “INNOWEEK – 2019” доирасида эса 30 дан ортиқ мамлакатдан келган 6000 га яқин иштирокчи жам бўлди. Энг муҳими, тадбирнинг нуфузи, аҳамияти нафақат сон кўрсаткичлари, балки сифат даражаси бўйича ҳам сезиларли ортгани қайд этилди. Ҳафталик ҳам шакл, ҳам мазмун жиҳатидан мутлақо янгича кўринишда ташкил этилган.
“INNOWEEK–2019” инновацион ғоялар ҳафталигининг дастлабки кунида бир қатор муҳим тадбирлар ўтказилди.
Ҳафталик доирасидаги инновацион маҳсулотлар кўргазмасида маҳаллий ҳамда хорижий инновацион ва илмий марказлар, инвестиция жамғармалари, технология агентликлари, технопарклар ва бизнес инкубаторлар ўзларининг энг сўнгги технологиялари, инновацион лойиҳалари, прототиплари ва бизнес моделлари билан иштирок этмоқда. Намойиш этилаётган маҳсулотлар, лойиҳалар ва ғоялар мамлакатимиз иқтисодиёти учун қулай бўлган янги инвестицияларни танлаш ва жалб этиш имконини беради.
“INNOWEEK–2019” дастуридан, шунингдек, Халқаро инновацион-инвестицион форум, IRC халқаро робототехника чемпионати, Осиё-Тинч океани технологиялар трансфери маркази билан ҳамкорликда ташкил этилган “Инновациялар ва технологиялар трансферида интеллектуал мулкнинг аҳамияти” мавзусидаги минтақавий семинар, “Инновацион ғоялар етакчиси” кўкрак нишони совриндорларини тақдирлаш маросими, “Future Foresight” семинар-тренинглар ўрин олган.
Ҳафталик барча иштирокчилар учун ўз ғояларини ҳаётга самарали татбиқ этишда ажойиб майдон вазифасини ўтайди.
Ғ.ХОННАЗАРОВ, О.МИРСОАТОВ (сурат), ЎзА
Манба: ЎзА
