2019 йил 21-22 октябрь кунлари Тошкент давлат стоматология институтида “Стоматология Юга-2019” халқаро олимпиадаси бўлиб ўтди.

Ушбу халқаро олимпиадада Россия, Қозоғистон, Қирғизистон ва Ўзбекистондан жами 18 та жамоа иштирок этди.

Жумладан, Волгоград давлат тиббиёт университети, Кубан давлат тиббиёт университети, Москва давлат тиббиёт ва стоматология университети, Биринчи Москва Давлат Тиббиёт Университети, Киров давлат тиббиёт университети, И.П. Павлова номидаги Рязан давлат тиббиёт университети, Пятигорск тиббиёт ва фармацевтика институти, Қозон давлат тиббиёт университети, Приволжье тиббий тадқиқот университети, Бошқирдистон давлат тиббиёт университети, Қарағанда тиббиёт университети, Астана тиббиёт университети, Қозоғистон-Россия тиббиёт университети, Н.Н.Бурденко номидаги Воронеж давлат тиббиёт университети талабалари иштирок этди.

Юртимиздан Бухоро, Самарқанд ва Андижон тиббиёт институтлари ва Тошкент давлат стоматология институти талабалари қатнашмоқдалар. Иштирок учун Тиббиёт олий таълим муассасаларининг юқори курсларда таҳсил олаётган 5 талабадан иборат жамоалари қатнашди.

Олимпиадада талабалар терапевт стоматология, ортопед стоматология, жарроҳлик стоматологияси, болалар стоматологияси ва ортодонтия йўналишларида олиб борилди.

Манба: Ўзбекистон Республикаси Олий таълим, фан ва инновациялар вазирлиги