Бугун, 15 октябрь куни Геодезия, картография ва давлат кадастри Миллий марказида Белорусия Республикасининг Миллий Кадастр агентлиги Бош директори А. Филиппенко бошчилигидаги делегация билан учрашув бўлиб ўтди.

Бунда томонлар келгусидаги ҳамкорликнинг қуйидаги йўналишлари бўйича тажриба алмашиш стратегияси муҳокама қилинди:

- кўчмас мулкни оммавий баҳолаш усуллари;
- кўчмас мулкка бўлган ҳуқуқларни рўйхатга олишни такомиллаштириш;
- давлат кадастр хариталари очиқлиги бўйича Беларусия тажрибасини ўрганиш;
- электрон инвентаризация хизматларини кўрсатиш ва кўчмас мулкни техник инвентаризациялаш соҳасида хизматларни тақдим этиш бўйича тажриба алмашиш.

Учрашув якунида Миллий Кадастр агентлиги ва Геодезия, картография ва давлат кадастри Миллий маркази ўртасида ўзаро ҳамкорлик тўғрисида Келишув имзоланди.

Манба: Ўзбекистон Республикаси Ер ресурслари, геодезия, картография ва давлат кадастри бўйича Давлат қўмитаси