IT-Парк “Sturgeon Capital LTD” (Буюк Британия) инвестиция фонди билан ҳамкорлик алоқаларини ўрнатди.

Sturgeon Capital - Марказий Осиё ва Кавказдаги Янги Ипак йўли минтақасига инвестиция киритишда 10 йилдан ортиқ тажрибага эга бўлган Британиянинг инвестицион компаниясидир.

Учрашувда томонлар Ўзбекистондаги технологик экотизим, стартап-сегментлар ва венчур молиялаштиришни ривожлантириш, хусусан:

• қўшма молиялаштириш моделини ва аниқ стартап лойиҳаларига инвестиция киритиш имкониятларини аниқлаш, баҳолаш ва келишиш жараёнини ишлаб чиқиш;
• стартап лойиҳаларни молиялаштириш ёки ҳамкорликда молиялаштириш;
• минтақада хусусий инвестициялар ўсишини рағбатлантириш учун хатарларни камайтириш бўйича молиявий воситаларни ишлаб чиқиш;
• дастурларда қатнашиш ва / ёки венчур молиялаштириш бўйича энг яхши ташаббуслар ва усуллар билан алмашиш;
• Ўзбекистоннинг стартап экотизимига қизиққан хорижий венчур капитал фондларига маслаҳат бериш бўйича ҳамкорлик қилиш ва алоқаларни давом эттириш истагини билдирдилар.

Манба: Ўзбекистон Республикаси Рақамли технологиялар вазирлиги