Ўзбекистон Республикаси ҳукумат делегациясининг Бирлашган Араб Амирликларига ташрифи доирасида БАА Энергетика ва саноат вазири Сухаил ал-Мазруи билан музокаралар бўлиб ўтди.

Музокаралар давомида нефт-газ, энергетика, кимё ва нефт-кимё соҳаларида амалга оширилаётган қатор лойиҳалар бўйича ҳамкорликнинг бориши муҳокама қилинди.

Амирлик шерикларининг фикрига кўра, ушбу тармоқлар катта сармоя талаб этиши боис узоқ муддатли истиқболда миллий иқтисодиётнинг ривожланишига сезиларли таъсир кўрсатади, шунинг учун давлатлараро мулоқот ва ушбу йўналишда биргаликдаги сай-ҳаракатлар сезиларли натижаларга олиб келиши керак.

Шу нуқтаи назардан, Суҳаил ал-Мазруи эришилган ютуқлар ва Ўзбекистон-Амирлик музокараларида ижобий динамикани қайд этди: бир қатор ташаббуслар бўйича томонлар келишувга эришиб техник ва ҳуқуқий тафсилотларни келишиш жараёнини бошладилар.

Музокаралар якунида томонлар қўшма лойиҳаларни амалга оширишни жадаллаштириш бўйича ишларни фаоллаштиришга доир ниятини билдирдилар.

Манба: Ўзбекистон Республикаси инвестициялар, саноат ва савдо вазирлиги