18 сентябрь куни Тожикистон миллий кутубхонасида МДҲ га аъзо давлатларнинг маданий ҳамкорлик бўйича Кенгашининг XXXIV йиғилиши бошланди.

Йиғилишда маданият соҳасидаги долзарб мавзулар бўйича маърузалар тингланиб, муҳокама этилади. Қуйида уларнинг айримлари келтирилади:

МДҲ давлатларининг маданият соҳасида 2021-2025 йилларга мўлжалланган асосий тадбирлари лойиҳаси ҳақида;

МДҲ давлатларида маданият йили якунлари ва ҳамдўстлик мамлакатларининг Китоб йилига бағишланган тадбирларда иштирок этиши ҳақида;

Музейлар фаолияти соҳасида МДҲ давлатларининг келишуви ҳақида;

2019 йилда Беларус Республикасида “Ҳамдўстликнинг маданий пойтахтлари” Давлатлараро дастурининг амалга оширилиши ва 2020 йилда ушбу дастурни Қозоғистонда ўтказишга тайёргарлик жараёнлари ҳақида;

МДҲ давлатларининг “ART EXPO” Халқаро кўргазмасини ўтказиш ҳақида;

Мустақил Давлатлар Ҳамдўстлигига аъзо давлатлар маданий меросининг виртуал музейини яратиш бўйича Ўзбекистон Республикасининг таклифи ҳақида;

МДҲ давлатларининг Ёшлар маданий форумини ўтказиш ҳақида.

Манба: Ўзбекистон Республикаси Маданият ва туризм вазирлиги