18-sentabr kuni Tojikiston milliy kutubxonasida MDH ga a’zo davlatlarning madaniy hamkorlik bo‘yicha Kengashining XXXIV yig‘ilishi boshlandi.

Yig‘ilishda madaniyat sohasidagi dolzarb mavzular bo‘yicha ma’ruzalar tinglanib, muhokama etiladi. Quyida ularning ayrimlari keltiriladi:

MDH davlatlarining madaniyat sohasida 2021-2025-yillarga mo‘ljallangan asosiy tadbirlari loyihasi haqida;

MDH davlatlarida madaniyat yili yakunlari va hamdo‘stlik mamlakatlarining Kitob yiliga bag‘ishlangan tadbirlarda ishtirok etishi haqida;

Muzeylar faoliyati sohasida MDH davlatlarining kelishuvi haqida;

2019-yilda Belarus Respublikasida “Hamdo‘stlikning madaniy poytaxtlari” Davlatlararo dasturining amalga oshirilishi va 2020 yilda ushbu dasturni Qozog‘istonda o‘tkazishga tayyorgarlik jarayonlari haqida;

MDH davlatlarining “ART EXPO” Xalqaro ko‘rgazmasini o‘tkazish haqida;

Mustaqil Davlatlar Hamdo‘stligiga a’zo davlatlar madaniy merosining virtual muzeyini yaratish bo‘yicha O‘zbekiston Respublikasining taklifi haqida;

MDH davlatlarining Yoshlar madaniy forumini o‘tkazish haqida.