Шу йилнинг 13 сентябрь куни Ўзбекистон Республикаси Давлат статистика қўмитасида бўлиб ўтган йиғилишда Ўзбекистон Республикаси ва Ҳиндистон Республикаси ўртасидаги икки томонлама ҳамкорликни ривожлантириш масалалари муҳокама қилинди.

Тадбирда Элчихонанинг иккинчи котиби жаноб П.К.Агравал сўз юритди. Томонлар икки томонлама муносабатларни ривожлантиришнинг ҳозирги ҳолати юзасидан фикр алмашди, ўзаро савдо ва хизмат кўрсатиш ҳажмларини муҳокама қилди.

Давлатлар ўртасидаги ҳамкорликни янада мустаҳкамлаш мақсадида Давлат статистика қўмитаси билан ахборот алмашиш тўғрисида келишувларга эришилди.

Учрашувдан сўнг жаноб Агравал Давлат статистика қўмитаси раҳбариятига учрашувни ташкил этгани учун миннатдорчилик билдирди.

Учрашув самимий ва дўстона руҳда ўтди.

Манба: Ўзбекистон Республикаси Президенти ҳузуридаги Статистика агентлиги