2019 йилнинг 6 сентябрь куни Ўзбекистон Республикаси Президентининг Афғонистон бўйича Махсус вакили Исматулла Иргашев Хитой Халқ Республикасининг Фавқулодда ва Мухтор Элчиси Цзянь Янь билан учрашди.

Суҳбат чоғида Ўзбекистон ва Хитойнинг Афғонистон муаммосини ҳал қилиш борасидаги саъй-ҳаракатлари, Афғонистонда турли лойиҳаларни амалга оширишда Ўзбекистон-Хитой ҳамкорлигининг устувор йўналишлари муҳокама қилинди.

Хитой томони Ўзбекистоннинг Афғонистонда тинч сиёсий жараённи бошлаш бўйича саъй-ҳаракатларини юқори баҳолади.

Элчи Афғонистоннинг минтақавий лойиҳаларга жалб этилиши муҳимлиги ҳақидаги Ўзбекистон томонининг фикрини тўлиқ қўллаб-қувватлади, бу эса мамлакатдаги вазиятни барқарорлаштириш ва унинг ижтимоий-иқтисодий инфратузилмасини тиклашга ёрдам беришини таъкидлади.

Манба: Ўзбекистон Республикаси Ташқи ишлар вазирлиги