Шу кунларда Адлия вазирлиги вакиллари Хитой Халқ Республикасида (ХХР) "Ривожланаётган давлатлар учун этник сиёсат" мавзусидаги семинарда иштирок этмоқда.

Мазкур семинар, ХХР Савдо вазирлиги томонидан ташкил қилинган бўлиб, ундан кўзланган мақсад дўстона алоқаларни мустаҳкамлаш ва ривожланаётган давлатлар ўртасида ўзаро алоқа ва ҳамкорликни ривожлантириш учун платформалар яратишдан иборатдир.

Ушбу тадбир давомида вазирлик ходими томонидан, Ўзбекистонда олиб борилаётган суд-ҳуқуқ ислоҳати, туризм салоҳияти ва Ўзбекистондаги инвестицион муҳит ҳақида 15га яқин давлатдан ташриф буюрган семинар иштирокчилари ва ташкилотчилари учун тақдимот намойиш қилинди. Ўзбекистондаги ўзгаришлар, айниқса инвестиция соҳасидаги қилинаётган саъй ҳаракатлар кўпчиликнинг қизиқишини уйғотди.

Манба: Ўзбекистон Республикаси Адлия вазирлиги