Ўзбекистонимизнинг диққатга сазовор жойлари, тарихий шаҳарларига бўлган қизиқишнинг ортиши, хорижий сайёҳлар оқимининг кун сайин кўпайиши муносабати билан янгидан-янги самарали лойиҳаларга қўл урилмоқда.

Жорий йилнинг 26 август куни Хоразм вилояти кўғирчоқ театри ижодкорлари "Ўзбекистон 24" ва "Ёшлар телеканали" билан биргаликда ҳамкор ташкилотлар кўмагида "Хавфсиз туризмни таъминлаш" тўғрисида ролик тайёрлаш жараёнида фаол иштирок этишди. Қадимий Хива шаҳрининг тарихий маркази "Ичан қалъа"да ўтказилган ушбу тадбир, республикамиз, жумладан, Хоразм вилояти ва Хива шаҳрининг туризм салоҳиятини ривожлантиришга яна бир хисса бўлиб қўшилади.

Республикамизда туризм ривожи ва хавфсизлигини бутун дунёга намойиш этиш мақсадида суратга олинган роликни тайёрлаш жараёнларида Хоразм вилояти қўғирчоқ театри ижодий жамоаси миллий қўғирчоқларни намойиш қилган ҳолда, нодир ҳунармандчилик намунаси - декоратив араваларда худуд бўйлаб ҳаракатланиб, ушбу ижодий лойихада фаол қатнашишди.

Бундай хайрли тадбирларда иштирок этиб, кўзланган мақсадларнинг рўёбга чиқишига ўз хиссаларини қўшиш театр жамоаси учун ҳамиша ижодий илҳом бағишлайди.

Манба: Ўзбекистон Республикаси Туризм ва маданий мерос вазирлиги