Жорий йилнинг 15 август куни Ўзбекистон Республикаси Давлат статистика қўмитасида Буюк Британия Бирлашган Қироллиги Давлат алоқа хизматининг делегацияси билан учрашув бўлиб ўтди.

Учрашувда Давлат статистика қўмитаси ва Буюк Британия Бирлашган Қироллиги Давлат алоқа хизмати ўртасидаги ўзаро ҳамкорлик ва ахборот алмашув масалалари муҳокама қилинди.

Шунингдек, Очиқ маълумотлар портали фаолиятини такомиллаштиришга кўмаклашиш масалалари бўйича таклифлар билдирилди.

Учрашув якунида Буюк Британия Бирлашган Қироллиги Давлат алоқа хизматининг делегацияси вакиллари Давлат статистика қўмитаси раҳбариятига  ташкил этилган учрашув юзасидан миннатдорлик билдириб, келажакда янада самарали ҳамкорлик қилишга умид билдиришди.

Учрашув илиқ ва дўстона руҳда бўлиб ўтди.

Манба: Ўзбекистон Республикаси Президенти ҳузуридаги Статистика агентлиги