Жорий йилнинг 2 август куни Ўзбекистон Республикаси Халқ таълими вазирлигида АҚШ Давлат департаментининг Европа, Евроосиё ва Марказий Осиё мамлакатларига ёрдам бериш бўйича координатори Жеймс Куликовски бошчилигидаги делегация билан учрашув бўлиб ўтди.

Делегацияни Халқ таълими вазирининг биринчи ўринбосари Алишер Умаров ва вазир ўринбосари Сарвар Бабаходжаевлар қабул қилди.

Учрашув давомида томонлар халқ таълими тизимида қўшма лойиҳаларни амалга ошириш масалаларини муҳокама этди.

Таъкидлаш керакки, АҚШ ҳукумати Ўзбекистонга халқ таълими тизимида олиб борилаётган ислоҳотларни амалга оширишда кўмак бермоқда.

Жумладан, АҚШ томонидан таълим сифатини яхшилаш мақсадида ХТВ лойиҳаларини амалга ошириш, чет тилларини ўрганиш, ахборот технологиялари бўйича ўқув дастурларини қайта кўриб чиқишда ёрдам берилади.

Манба: Ўзбекистон Республикаси Мактабгача ва мактаб таълими вазирлиги