Кўриниш
A
A
A
Шрифт ўлчами
?
Экран сухандони
Ишлаб чиқилган: 
Ўзбекистон Республикаси
Ҳукумат портали
Афғонистон Элчиси билан учрашув
2019-07-15 | Сиёсат
2019 йилнинг 15 июль куни Ўзбекистон Республикаси Ташқи ишлар вазири Абдулазиз Камилов Афғонистон Ислом Республикасининг Фавқулодда ва Мухтор Элчиси этиб тайинланган Аҳмад Ҳолид Элмий билан учрашди.
Ишонч ёрлиқлари нусхасини қабул қилар экан, Вазир Элчини самимий қутлади ва биргаликда Ўзбекистон-Афғонистон муносабатларини мустаҳкамлаш ва кенгайишга ишонч билдирди.
Суҳбат чоғида икки томонлама муносабатларнинг долзарб масалалари муҳокама қилинди.
Сиёсий, савдо-иқтисодий, инвестицион, маданий-гуманитар ҳамкорликни кенгайтириш ва Ўзбекистоннинг Афғонистондаги инфратузилма ва ижтимоий-иқтисодий лойиҳаларни амалга оширишда иштирок этишидан томонлар манфаатдорлиги тасдиқланди.
Афғонистондаги кўп йиллик можароларни тинч йўл билан ҳал қилиш жараёнларига алоҳида эътибор қаратилди.
Элчи Президент Муҳаммад Ашраф Ғани номидан Президент Шавкат Мирзиёевга Афғонистонни доимий қўллаб қувватлагани учун чуқур миннатдорчилик билдирди ва Ўзбекистон томонига афғонлараро мулоқот механизмларини бошлашга салмоқли ҳисса қўшгани учун ташаккур изҳор этди, бунга ўтган йил март ойида Тошкент шаҳрида бўлиб ўтган Афғонистон бўйича нуфузли халқаро конференция сезиларли туртки берди.
Учрашувда, шунингдек, бўлажак қўшма тадбирлар кун тартиби ва жадвали, жумладан Тошкент шаҳрида ўтказишилиши режалаштирилаётган Савдо-иқтисодий ҳамкорлик бўйича қўшма ҳукуматлараро комиссиянинг биринчи мажлиси юзасидан фикр алмашилди.
Анвар Илёсов олган сурат
Манба: Ўзбекистон Республикаси Ташқи ишлар вазирлиги
