Кўриниш
A
A
A
Шрифт ўлчами
?
Экран сухандони
Ишлаб чиқилган: 
Ўзбекистон Республикаси
Ҳукумат портали
Кутубхонага хорижий адабиётлар олиб келинади
2019-06-25 | Жамият
Имом Бухорий халқаро илмий-тадқиқот марказининг кутубхона фондига 758 номдаги жами 2512 та адабиёт олиб келинади.
Вазирлар Маҳкамаси ҳузуридаги Имом Бухорий халқаро илмий-тадқиқот марказининг кутубхона фондини хорижий адабиётлар билан бойитиш бўйича Ҳукумат қарори қабул (519-сон, 24.06.2019 й.) қилинди. Бу ҳақида “Ҳуқуқий ахборот” канали маълум қилмоқда.
Қарорга мувофиқ, 2019 йилда Имом Бухорий халқаро илмий-тадқиқот марказининг кутубхона фондига 758 номдаги жами 2512 та адабиёт олиб келинади.
Шунга кўра, қарор билан илмий-тадқиқот маркази кутубхона фондига хорижий адабиётларни олиб келиш бўйича ишчи гуруҳ таркиби тасдиқланди.
Мазкур адабиётларни олиб келиш билан боғлиқ барча харажатлар Ҳукумат ҳузуридаги Алоҳида муҳим ижтимоий, маданий ва тарихий аҳамиятга эга бўлган объектларни қуриш, реконструкция қилиш ва мукаммал таъмирлаш дирекцияси томонидан қопланади.
Манба: ЎзА
