27-30 июнь кунлари Венгриянинг Дьёр шаҳрида спорт гимнастикаси бўйича ўсмирлар ўртасида жаҳон чемпионати бўлиб ўтади. Унда Ўзбекистон миллий терма жамоаси ҳам иштирок этади.

66 та давлатдан 300 нафарга яқин спортчи иштирок этиши кутилаётган жаҳон биринчилигида юртимиз шарафини Равшанбек Мирзаев ва Эльвира Ракова мураббийлигида Фаёзиддин Маматқулов, Равшан Камилжанов, Ўткирбек Жўраев, Анна Сильнова, Дилдора Арипова ҳамда Анастасия Мирошниченко ҳимоя қилади.

Шунингдек, юртдошларимиздан Руслан Иргашев ва Стелла Кошечкина мусобақада ҳакам сифатида иштирок этишади.

Манба: Ўзбекистон Республикаси Ёшлар сиёсати ва спорт вазирлиги