Бунга мамлакатимизнинг Қоҳирадаги элчихонаси, Ўзбекистон Республикаси Вазирлар Маҳкамаси ҳузуридаги Давлат ўсимлик карантини инспекцияси ва Миср қишлоқ хўжалиги ва мелиорация вазирлигининг Марказий ўсимлик карантини бошқармаси ўртасидаги ҳамкорлик натижасида эришилди.

"Ўзбекистон заминида етиштирилган узум ва гилос маҳсулотларини Миср бозорига олиб киришга рухсат бериш бўйича қарор қабул қилингани ҳақида Сизни хабардор қилишдан мамнунмиз”, дейилган Марказий ўсимлик карантини бошқармаси раҳбари Аҳмад ал-Аттарнинг мамлакатимиз Вазирлар Маҳкамаси ҳузуридаги Ўсимликлар карантини инспекцияси бошлиғи Иброҳим Эргашевга йўллаган мактубида.

Шуни таъкидлаш жоизки, мамлакатимиз элчихонаси Миср Президентининг 2018 йил сентябрь ойида Тошкентга амалга оширган расмий ташрифи чоғида эришилган келишувлар ва имзоланган ҳужжатларнинг ижросини таъминлаш бўйича «Йўл харитаси» доирасида изчил фаолият олиб бормоқда. Ушбу ҳужжатга Ўзбекистондан ҳўл, қуритилган ва музлатилган мева ҳамда сабзавотларни Миср бозорига экспорт қилиш учун карантин рухсатномасини олиш бўйича топшириқ берилган эди.

Манба: “Дунё” ахборот агентлиги