Кўриниш
A
A
A
Шрифт ўлчами
?
Экран сухандони
Ишлаб чиқилган: 
Ўзбекистон Республикаси
Ҳукумат портали
Қатар элчиси билан учрашув
2019-06-07 | Сиёсат
2019 йилнинг 7 июнь куни Ўзбекистон Республикаси Ташқи ишлар вазири Абдулазиз Камилов Қатар Давлатининг Фавқулодда ва Мухтор Элчиси этиб тайинланган Муҳаммад Ҳамад ал-Хажрийни (қароргоҳи Теҳрон шаҳрида) қабул қилди.
Ишонч ёрлиқларини қабул қилгандан сўнг Вазир Элчини Ўзбекистондаги фаолияти бошлангани билан табриклади ва унга икки томонлама алоқаларни мустаҳкамлаш борасида самарали натижаларга эришишини тилади.
Бўлиб ўтган суҳбат чоғида Ўзбекистон – Қатар муносабатларини ривожлантиришнинг истиқболли йўналишлари муҳокама қилинди. Бунинг учун томонларда савдо-иқтисодий, инвестиция, туризм, маданий-гуманитар ва бошқа соҳаларда сезиларли салоҳият борлиги эътироф этилди.
Йилнинг иккинчи ярмида Ҳукуматлараро қўшма комиссиянинг биринчи йиғилишини ўтказиш таклифи ёқланди.
Учрашувда баъзи минтақавий ва халқаро масалалар бўйича ҳам фикр алмашилди.
Манба: Ўзбекистон Республикаси Ташқи ишлар вазирлиги
