Хусусан, Туркманистон Вазирлар Мақкамаси Раис ўринбосари, ташқи ишлар вазири Р.Мередов Ўзбекистон делегацияси раҳбарига алоҳида эътибор қаратди ва Туркманистон ташқи ишлар вазирлигида маданий-гуманитар соҳадаги икки томонлама ҳамкорлик истиқболларини муҳокама қилиш учун алоҳида учрашув ўтказишни таклиф қилди.

 

Учрашувда Р. Мередов томонидан МДҲнинг ижодий ва илмий интелектуал XIV форумида, айнан маданият вазири иштирок этиб, Ўзбекистон Республикасида амалга оширилаётган ислоҳотларни батафсил нутқида сўзлаб бергани юзасидан ўз миннатдорчилигини билдирилди.

 

Шуни алоҳида таъкидланиш лозимки, Ҳурматли Туркманистон Президенти Г.М.Бердымухамедовнинг Ҳурматли Ўзбекистон Президенти Ш.М.Мирзиёевга Халқаро бахшичилик фестивалида туркманистонлик вакил Кервен Ёвбосаров биринчи ўринга лойиқ деб топилгани, шу билан бирга ўзбек-туркман алоқалари тобора ривожланиб бораётганини таъкидлаб миннатдорлигини йўллаганини Р.Мередов Б.Сайфуллаевга етказди. Шунингдек, Р.Мередов сўзларига кўра, Туркманистон Президенти Форумда маданият вазири даражасида иштирок этишини билганидан жуда ҳурсанд бўлган ва ўзбек-туркман муносабатларига оид кўп самимий сўзларни айтган.

 

Ўз ўрнида, Б.Сайфуллаев маданият ва санъат соҳасида яқин мулоқотни, халқларимиз ўртасидаги ўзаро ҳайрихохлик, дўстлик, яхши қўшничилик, ва конструктив алоқаларни янада мустаҳкамлашда давом этишига ишонч билдирди.