Жорий йилнинг 30 апрель куни Термиз археология музейига Сурхондарё вилояти мактабгача таълим бошқармаси бошлиғи Р.Каттаева ҳамроҳлигида Ўзбекистон Республикаси мактабгача таълим вазири Агрепина Шин хоним ташриф буюрди.

Меҳмонларга музей ходими Ш.Жоджақулова томонидан экскурсия ўтказилиб, Сурхондарё вилояти тарихи, ундаги археологик ёдгорликлар, музейнинг ноёб экспонатлари таништирилди.

Музейнинг кўргазма залларига ташриф Агрепина Шин хонимда катта таассурот қолдирди, саёҳати сўнгида фахрий меҳмон музей ҳақидаги фикрларини, музей ва унинг ходимларига бўлган тилакларини, музейнинг эсдалик китобига ёзиб қолдирди.

Термиз археология музейи директори У.Худойбердиев Агрепина Шин хонимга илмий буклетлар ва музейнинг сурати акс эттирилган сувенирларни эсдалик сифатида тақдим этди.

Манба: Ўзбекистон Республикаси Маданият ва туризм вазирлиги