Joriy yilning 30-aprel kuni Termiz arxeologiya muzeyiga Surxondaryo viloyati maktabgacha ta’lim boshqarmasi boshlig‘i R.Kattayeva hamrohligida O‘zbekiston Respublikasi maktabgacha ta’lim vaziri Agrepina Shin xonim tashrif buyurdi.

Mehmonlarga muzey xodimi Sh.Jodjaqulova tomonidan ekskursiya o‘tkazilib, Surxondaryo viloyati tarixi, undagi arxeologik yodgorliklar, muzeyning noyob eksponatlari tanishtirildi.

Muzeyning ko‘rgazma zallariga tashrif Agrepina Shin xonimda katta taassurot qoldirdi, sayohati so‘ngida faxriy mehmon muzey haqidagi fikrlarini, muzey va uning xodimlariga bo‘lgan tilaklarini, muzeyning esdalik kitobiga yozib qoldirdi.

Termiz arxeologiya muzeyi direktori U.Xudoyberdiyev Agrepina Shin xonimga ilmiy bukletlar va muzeyning surati aks ettirilgan suvenirlarni esdalik sifatida taqdim etdi.