Кўриниш
A
A
A
Шрифт ўлчами
?
Экран сухандони
Ишлаб чиқилган: 
Ўзбекистон Республикаси
Ҳукумат портали
Россия Ташқи ишлар вазири билан учрашув
2019-05-02 | Сиёсат
2019 йилнинг 2 май куни Ўзбекистон Республикаси Ташқи ишлар вазири Абдулазиз Камилов Россия Федерацияси Ташқи ишлар вазири Сергей Лавров билан учрашди.
С.Лавров икки томонлама музокаралар олиб бориш ва Гиёҳванд моддаларни назорат қилиш соҳасида минтақавий ҳамкорлик бўйича ўзаро англашув Меморандуми иштирокчи давлатларининг 11-учрашувида қатнашиш учун Тошкент шаҳрига келган.
Суҳбат чоғида икки томонлама ва минтақавий аҳамиятга молик масалалар муҳокама қилинди, шунингдек, долзарб халқаро муаммолар юзасидан фикр алмашилди.
Вазирлар Президент Владимир Путиннинг 2018 йил октябрь ойида Ўзбекистонга давлат ташрифи ва Президент Шавкат Мирзиёев билан музокаралар чоғида эришилган келишувларни амалга ошириш жараёнини кўриб чиқдилар. Ташриф давомида имзоланган йирик ҳажмдаги савдо-иқтисодий келишувлар ва инвестиция шартномалари томонлар назоратида эканлиги таъкидланди. Сиёсий-дипломатик, парламентлараро, маданий-гуманитар соҳаларидаги ҳамкорлик изчил амалга оширилмоқда.
Ҳозирги вақтда савдо-иқтисодий алоқаларни янада кенгайтиришнинг устувор йўналишларни кўриб чиқиши кутилаётган ҳукумат раҳбарлари даражасидаги Қўшма комиссиянинг биринчи мажлисини ўтказишга тайёргарлик кўрилмоқда.
ТИВдаги учрашувда Россиянинг тўртта етакчи олий ўқув юртлари – МИФИ, ВГИК, Москва энергетика институти ва Россия кимё технологиялари университети филиалларини Ўзбекистонда очиш масалалари муҳокама қилинди.
Ташқи сиёсат идоралари раҳбарлари Ўзбекистон ва Россиянинг Афғонистон бўйича ҳамкорлиги, жумладан, Афғонистонда тинчлик музокараларини бошлаш, мамлакатни иқтисодий-ижтимоий тиклаш бўйича халқаро саъй-ҳаракатлар доирасидаги алоқаларга алоҳида эътибор қаратдилар.
Шунингдек, вазирлар минтақада хавфсизлик ва ҳамкорликни мустаҳкамлаш истиқболлари юзасидан фикр алмашдилар.
Учрашувда Россия Элчиси Владимир Тюрденев иштирок этди.
Анвар Илёсов олган сурат
Манба: Ўзбекистон Республикаси Ташқи ишлар вазирлиги
