2019 йил 29 апрел куни соат 02:00 ларда Ўртачирчиқ тумани ҳудудида Бухоро шаҳридан Паркент туманига қайтаётган Mercedes-Benz русумли йўловчи автобуси ҳалокатга учради. Йўловчилар автобусдан зудлик билан эвакуация қилинган.

Ҳалокат пайтида автобус салонида 56 нафар киши бўлган. Жумладан, йўловчилар орасида Тошкент вилоятидан мактаб ўқувчилари бўлган.

Мазкур йўл-транспорт ҳодисаси натижасида етти киши турли даражадаги жароҳатлар олганлар. Уларга ҳалокат жойида биринчи тиббий ёрдам кўрсатилган

Ўзбекистон Республикаси Халқ таълими вазирлигининг Ҳуқуқий-назорат хизмати болаларни Бухорога уюштирилган сафарининг ташкил этилиш жараёни билан боғлиқ вазиятни ўрганмоқда.

Манба: Ўзбекистон Республикаси Мактабгача ва мактаб таълими вазирлиги