25 апрель куни эрталаб “International Hotel Tashkent” меҳмонхонасининг “Samarkand” конференциялар залида бошланган Мустақил Давлатлар Ҳамдўстлиги иштирокчи-давлатларининг ички ишлар вазирлари Кенгашининг навбатдаги йиғилишига тайёргарлик доирасида МДҲ иштирокчи давлатлар ИИВ/Полиция экспертларининг йиғилиши якунланди. 

Унда экспертлар Кенгаш кун тартибига киритилиши режалаштирилган ҳужжатлар лойиҳаларини, шунингдек МДҲ иштирокчи-давлатларнинг ИИВ/Полиция ўртасидаги ўзаро ҳамкорлик ҳамда жиноятчиликка қарши кураш бўйича давлатлараро дастурни амалиётга тадбиқ этишнинг долзарб масалаларини келишиб олдилар.

Йиғилиш ишчанлик, конструктив ҳамкорлик ва ўзаро бир-бирини тушуниш руҳида ўтди.

Куннинг иккинчи яримида йиғилиш қатнашчилари Юнусобод туманидаги 7-ички ишлар бўлимига ташриф буюриб, у ерда яратилган шароитлар, тезкор хизматларнинг ўзаро ҳамкорликдаги фаолиятлари билан яқиндан танишдилар.

МДҲ иштирокчи давлатлар ИИВ/Полиция экспертлари Ўзбекистон Республикаси Ички ишлар вазирлигига тадбирни ўтказишдаги юқори даражали тайёргарлик учун ўз миннатдорчиликларини билдирдилар. 

Манба: Ўзбекистон Республикаси Ички ишлар вазирлиги