23 апрель куни Россия Федерациясида халқаро хавфсизлик масалаларига бағишланган навбатдаги анжуман ўз ишини бошлади.

Россия Мудофаа вазирлиги ташаббуси билан ўтказилаётган анжуманда Ўзбекистон мудофаа вазири генерал-майор Баҳодир Қурбонов ҳам иштирок этмоқда.

Анжуман кун тартибига халқаро хавфсизлик қарашларини шакллантиришда энг муҳим ҳисобланган масалалар муҳокама қилинади. Алоҳида пленар сессиялар давомида замонавий ҳарбий хавф ва таҳдидлар, шу жумладан, қуролларни назорат қилиш тизимини такомиллаштириш бўйича фикр алмашилади. Яқин Шарқдаги, хусусан, Суриядаги вазиятни ҳар томонлама барқарорлаштириш бўйича таклифлар кўриб чиқилади.

Алоҳида секция мажлисларидан Осиё, Африка ва Лотин Америка минтақаларида хавфсизлик масалалари, улар билан ҳарбий ҳамкорликни кенгайтириш каби мавзулар ўрин олган.

Манба: Ўзбекистон Республикаси Мудофаа вазирлиги