Давлатимиз Раҳбари томонидан соҳа ривожи йўлида олиб борилаётган кенг кўламли ислоҳотлар натижасида мамлакатга ташриф буюрувчи сайёҳлар оқими тобора ортиб бормоқда.

Ўз навбатида сайёҳлар оқимининг кескин ортиб бориши ҳудудларда тадбиркорлик субъектлари томонидан янги туризм объектлари ташкил этишга туртки бўлиб, жорий йилнинг ўтган даври мобайнида ҳудудларда жами 2 038 ўринли 40 та жойлаштириш воситалари (меҳмонхона) қурилиб, фойдаланишга топширилди.

Хусусан, Тошкент шаҳрида 451 ўринли 10 та, Бухоро вилоятида 160 ўринли 6 та, Самарқанд вилоятида 108 ўринли 4 та, Хоразм вилоятида 430 ўринли 9 та меҳмонхоналар фойдаланишга топширилди.

Бунинг натижасида бугунги кунда республикадаги жойлаштириш воситалари (меҳмонхона) сони 966 тани ташкил етиб, улардаги ўринлар сони 43 423тага етди.

Шунингдек, ҳудудлардан олинган маълумотларга кўра, айни кунларда 14 634 ўринли 138 та жойлаштириш воситалари шу жумладан, 13 196 та ўринли 3 ва 4 юлдузли 93 та жойлаштириш воситаларини қуриш ишлари давом этмоқда.

Манба: Ўзбекистон Республикаси Туризм ва маданий мерос вазирлиги