Кўриниш
A
A
A
Шрифт ўлчами
?
Экран сухандони
Ишлаб чиқилган: 
Ўзбекистон Республикаси
Ҳукумат портали
Ёшларимиз халқаро турнир ғолиби
2019-03-26 | Спорт
Наманган шаҳрида ўсмирлар ва қизлар ўртасида “G3” туркумига кирувчи халқаро теннис турнири ўтказилди.
Жисмоний тарбия ва спорт вазирлиги, Ўзбекистон теннис федерацияси ҳамда Халқаро теннис федерацияси томонидан ташкил этилган мусобақа иштирокчилари яккалик ва жуфтлик баҳсларида куч синашди.
Ўғил болалар ўртасидаги жуфтлик баҳсларида Азиз Дадабоев ва Иброҳимжон Ўринов тандеми мамлакатимиз шарафини муносиб ҳимоя қилди. Улар финал учрашувида голландиялик Тиймен Луф ва россиялик Марат Шарипов жуфтлиги устидан 6:3, 6:1 ҳисобида ғалаба қозониб, бош совринни қўлга киритди.
Қизлар ўртасида эса ҳамюртларимиз Ясмина Каримжонова ва Севил Йўлдошева ҳал қилувчи ўйинда белоруслик Алёна Фалей ва Евиалина Ласкекич тандемига 3:6, 1:6 ҳисобида имкониятни бой бериб қўйди.
Яккалик баҳсларида ўғил болалар ўртасида россиялик Павел Вербин биринчиликни қўлга киритган бўлса, қизлар ўртасида белоруслик Алёна Фалей шоҳсупага кўтарилди.
Ж.Тошхўжаев, ЎзА
Манба: ЎзА
