Ижтимоий тармоқларда “Ўзбекистон Республикаси Ички Ишлар Вазирлиги Сурхондарё вилояти Ички Ишлар Бошқармаси. ДИҚҚАТ!” деб бошланиб, бир қанча грамматик хатоликлар билан тарқатилган эълон Ўзбекистон Республикаси Ички ишлар вазирлиги ёки Сурхондарё вилояти Ички ишлар бошқармаси томонидан тайёрланмаганлигини маълум қиламиз.

Ҳозирги кунда сохта эълон тарқатиш билан шуғулланган ижтимоий манбаларни аниқлаш юзасидан текширув ишлари олиб борилмоқда.

Ҳурматли фуқаролар! Турли ижтимоий тармоқлар орқали тарқалаётган сохта хабарларга ишонманг. Аниқ ва тўғри маълумотларни фақатгина расмий манбалардан олишингиз мумкин.  

Манба: Ўзбекистон Республикаси Ички ишлар вазирлиги