Ijtimoiy tarmoqlarda “Oʻzbekiston Respublikasi Ichki Ishlar Vazirligi Surxondaryo viloyati Ichki Ishlar Boshqarmasi. DIQQAT!” deb boshlanib, bir qancha grammatik xatoliklar bilan tarqatilgan eʼlon Oʻzbekiston Respublikasi Ichki ishlar vazirligi yoki Surxondaryo viloyati Ichki ishlar boshqarmasi tomonidan tayyorlanmaganligini maʼlum qilamiz.

Hozirgi kunda soxta eʼlon tarqatish bilan shugʻullangan ijtimoiy manbalarni aniqlash yuzasidan tekshiruv ishlari olib borilmoqda.

Hurmatli fuqarolar! Turli ijtimoiy tarmoqlar orqali tarqalayotgan soxta xabarlarga ishonmang. Aniq va toʻgʻri maʼlumotlarni faqatgina rasmiy manbalardan olishingiz mumkin.