12 март куни пойтахтимизда Ўзбекистоннинг биринчи гроссмейстери – Г.Агзамов хотирасига бағишланган “XIII Tashkent Open” халқаро шахмат мусобақасининг 1-тури старт олади.

Жисмоний тарбия ва спорт вазирлиги, Ўзбекистон шахмат федерацияси ва “Central Chess Club” МЧЖ томонидан ташкил этилаётган мазкур анъанавий мусобақа Республика болалар ва ўсмирлар спорт мактабининг махсус биносида ўтказилади.

Мазкур мусобақага бағишланган матбуот анжумани эртага, соат 12:00да ўтказилади. Мусобақанинг очилиш маросими эса соат 14:00га белгиланган.

Ўзбекистон шахмат федерацияси барча ОАВ ходимларини матбуот анжумани ва очилиш маросимига таклиф этади.

Жавоҳир Тошхўжаев, ЎзА

Манба: ЎзА