“Ўзтўқимачиликсаноат“ уюшмасида Франциянинг Ўзбекистондаги фавқулотда ва мухтор элчиси Виолен де Вильмор​ хоним ҳамда Франциянинг “Бпифранcэ“ давлат инвестиция банки минтақавий бўлими директори жаноб Эммануэль​ Брешард бошчилигидаги делегация аъзолари билан учрашув бўлиб ўтди.

Франция томони учрашувда сўнгги йилларда республиканинг иқтисодий ютуқларини, шунингдек, давом этаётган сиёсий ислоҳотларни, бизнес учун қулай муҳит яратилгани ва инвестицион жозибадорликни алоҳида таъкидлади. 

Делегация вакиллари Ўзбекистонда қўшма лойиҳаларни амалга оширишга қизиқиш билдирди ва тўқимачилик соҳасидаги ҳамкорлик лойиҳаларини молиялаштиришни таклиф қилди. Хусусан, ўзбек бозорига француз технологиялари ва ускуналари этказиб бериш масаласи алоҳида муҳокама қилинди.

Учрашувдан сўнг тўқимачилик саноати соҳасида қўшма сармоявий лойиҳаларни амалга ошириш учун Франциядаги йирик компаниялар ва молиявий институтларни жалб қилиш бўйича дастлабки келишувларга эришилди.

Манба: Ўзтўқимачиликсаноат