2019 йилнинг 5 март куни Ўзбекистон Республикаси Ташқи ишлар вазирининг биринчи ўринбосари Илҳом Неъматов Тожикистон Республикаси Фавқулодда ва Мухтор Элчиси Содиқ Имоми билан учрашди.

Учрашувда Ўзбекистон ва Тожикистон президентларининг икки томонлама учрашувлари чоғида эришилган келишувларни амалга оширишнинг амалий масалалари муҳокама қилинди.

2019 йилда ўтказиладиган қўшма тадбирларнинг, жумладан Савдо-иқтисодий ҳамкорлик бўйича ҳукуматлараро комиссиянинг навбатдаги мажлиси кун тартиблари ва ўтказилиш муддатлари борасидаги таклифлар ҳам кўриб чиқилди. 

Манба: Ўзбекистон Республикаси Ташқи ишлар вазирлиги