2019 йилнинг 11-22 февраль кунлари Австриянинг Вена шаҳрида Бирлашган Вена институтида “Табиий ресурсларга бой мамлакатларда макроиқтисодий бошқариш” мавзусида ўқув курси ўтказилди.

Унда 10та давлатдан (Озарбайжон, Арманистон, Эрон, Қозоғистон, Қирғизистон, Россия, Руминия, Тожикистон, Ўзбекистон, Швейцария) 29 тамутахассислар иштирок этдилар.

Ўқув курсида Ўзбекистон Республикаси Давлат статистика қўмитасидан Макроиқтисодий индикаторлар ва миллий ҳисоблар бошқармаси Харажатлар ва ишлаб чиқариш статистикаси бўлими бошлиғи – Зухра Мамаджонова иштирок этди.

Мазкур икки ҳафталик курсда табиий ресурсларга бой мамлакатларда макроиқтисодий бошқариш чора-тадбирларини ишлаб чиқиш ва уларни жорий қилиш масалалари ўрганиб чиқилди. Курс дастури маърузалар, амалий машғулотлар, баҳс-мунозаралар ва тажрибавий масалалардан иборат бўлди.

Манба: Ўзбекистон Республикаси Президенти ҳузуридаги Статистика агентлиги