Пахта хом ашёсини етиштирувчи қишлоқ хўжалик корхоналарида томчилатиб суғориш ишларини ташкил қилиш учун.

Кредит миқдори

Мижоз томонидан тақдим этилган бизнес режа ва товар моддий бойликларнинг олди-сотди шартномаси суммаси миқдорида (1 гектар ер майдони учун 15-20 млн. сўм атрофида).

Кредит муддати

3 йилгача, 6 ойлик имтиёзли давр билан ( мижоз томонидан тақдим қилинган бизнес режага асосан кредитни тўлиқ қоплаш давридан келиб чиқиб 3 йилдан ортиқ муддатга ҳам бериш мумкин).

Фоизи

Банкнинг ресурс қийматидан келиб чиқиб, мижоз билан келишилган ҳолда.

Кредит олиш учун тақдим этиладиган ҳужжатлар

-ариза;

-қарз олувчининг банк ҳисоб варағига пул тушумлари (пул оқими) прогнози кўрсатилган бизнес-режа;

-юридик шахслар учун давлат солиқ инспекциясига охирги ҳисобот даври учун тақдим қилган тегишли бухгалтерия баланси (1-сон шакл) ва дебиторлик ҳамда кредиторлик қарзлари тўғрисида маълумотнома (2а-сон шакл), 90 кундан ортиқ муддатдаги қарзларга доир солиштириш далолатномалари, молиявий натижалар тўғрисида ҳисобот (2-сон шакл)

-кредит таъминоти турларидан бири.

Жамғарма компенсация бўйича тақдим қилиниши лозим бўлган ҳужжатлар

ВМ ҳузуридаги Тадбиркорлик фаолиятини ривожлантиришни қўллаб-қувватлаш давлат жамғармаси маблағлари ҳисобидан пахта хомашёси ишлаб чиқарувчиларига томчилатиб суғориш тизимларини қуриш, реконструкция қилиш ва уларнинг бутловчи қисмларини сотиб олиш учун ажратиладиган кредитлар бўйича фоиз харажатлари тижорат банклари томонидан белгиланган фоиз ставкасидан 1 гектарга 20 миллион сўмдан ошмайдиган қисмининг10 фоизли миқдорида қопланади.

Давлат бюджети томонидан бериладиган субсидиялар

Давлат бюджети маблағларидан пахта хомашёси ишлаб чиқарувчиларига томчилатиб суғориш технологияларини жорий қилиш учун пахта хомашёси экиладиган майдоннинг ҳар 1 гектарига 8 миллион сўм субсидия тақдим этилади.

Ишлаб чиқарувчи корхоналарга қўлланилаётган имтиёзлар

Пахта хомашёсининг маҳаллий ишлаб чиқарувчилари, шунингдек, томчилатиб суғориш тизими ишлаб чиқарувчилари томонидан олиб кириладиган, томчилатиб суғориш технологиясини жорий этиш учун зарур бўлган бутловчи қисмлар ва хомашё 2021 йилнинг 1 январига қадар рўйхатга мувофиқ божхона божини тўлашдан озод этилади.

Бюджет маблағларини олувчилар билан тузиладиган импорт шартномаларини экспертизадан ўтказиш ва рўйхатга олиш талаби пахта хомашёси ишлаб чиқарувчилари томонидан томчилатиб суғориш технологиясини жорий этиш бўйича ишлар доирасида тузиладиган импорт шартномаларига тадбиқ этилмайди